عزيزي العضو / هل انت مرجوج ؟ عزيزتي العضوه/ هل انتي مرجوجه ؟ ادخل واختبر مدى رجتك !

اللي يحلم بالرجه ..و ما تحققت رجته.....
..إليكم يااعضاء المنتدى المرجوجين و الغير مرجوجين؟
هل أنت مرجوج ؟
وإذا كنت كذالك .. ماهو مستوى رجتك ؟
للإجابة على هذه الأسئلة ماعليك سوى اجراء هذا الاختبارالنفسي ..



السؤال الأول



انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك ؟؟



1- تمسك النملة وتفعصها بأصابيعك وأنت تكركر ومستانس و تقول : والله يا أنتي نملة
منسمة تبين تخترقيني .. .. بس على مين أنا أبو / إم جلمبو والأجر على الله

2- توخر النملة عن وجهك و تنتفها وانت تشتمها

3 - تخلي النملة تدخل خشمك






السؤال الثاني



رااااجع من المدرسة أو الكلية او العمل .. المهم وتلقى الواااالده سرحانة في الصالة تفكر وش تصلح بكرة إذا بغت تسيير في الضحى على أم صويلح .. ماذا تفعل ؟؟



1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياض .. حب ورثته من الجدوووود
ههههههههه والله تسحيبة يمة

2- تجي بشويش من ورى أمك وهي سرحااانة وتصرخ في أذنها وتقول : مساااااتس الله
بالخير .. وطبعاً هي بتنفجع وبتقول وجع الله يمسيك بعصا إن شاء الله

3- تطلع غرفتك وماتسوي شيء




السؤال الثالث



انت توك مقيل وماخذ لك قيلولة على كيف كيفك ونااازل الصالة إلاوتشوف خواتك الصغااار عند سبيس تون طااايرة عيونهم .. ماذا تفعل ؟؟



1- تجي يعنني تكنس وتغطي عليهم التليفزيون <-----< نـــذالــــه

2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف

3-تقعد تتفرج معهم







السؤال الرابع والأخير



بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة

1- تنسم كفراته الأربعة

2- تسلم عليه وتلزم عليه يعزمك على العشاء

3- تشتري له تويكس معك










النتيجـــــــــــــــــة



أعط نفسك لكل اجابة رقم واحد 3 درجات ..
ولك اجابة رقم 2 درجتين ..
ولكل اجابة رقم 3 درجة وحدة ..








نتيجتك من 9_12



أنت مرجوووج جداً ..
حالتك خطيرة .. وقد تتحول رجتك إلى هبااال رسمي .
الحل : خل امك تهمز راااسك بزيت سيارات ثمانين مرة بالثانية وإنشاء الله ماقدامك إلا العافية





نتيجتك من 5_8



أنت مرجوج بس على نذااالة شوي ..
مستوى رجتك معقول لكن لاتستخف دمك كثير لانه باقي شعره وتصير مرجوج رسمي..
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..احســلك انك تاكل ضفدع قبل الغدا مرة في السنة لانه يساعد على زيادة هرمون العقل والثقل في المخ







نتيجتك من 1_4



يا أخي انت منت في الدنيا .. ميت والناس حيين ..
انتبه على نفسك لأن أهلك احتمال ينسووووك إذا بغو يسافرون







منقوووول للفائده العامه خخخخ