انا عملت عملية فى راسى*ادخلوا بدل ما يحصلكم اللى حصلى*

من طرف **بنت السعوديه** الأحد أكتوبر 19, 2008 1:38 am

اولا ازيكم كلكم يا بنات عروس انا عايزة اقولكم بقى انى عملت عملية يوم الاربعاء فى مقدمة راسى واول الجبهه كمان عارفين ليه؟
طلعلى كيس دهنى تحت الجلد فى راسى وجبهتى وشيلتهم الحمدلله بعملية بس عارفين الدكتور قالى ايه؟قالى كترة الدهون خلت المسام تتسد وتحوش الدهن تحت الجلد وتعملى ااكياس دهنية ولما فكرت لاقيت انى السبب كمان عارفين ايه السبب؟
انا كنت تقريبا بمعدل يوميا اعمل ماسكات لشعرى وكنت بلبس كيس بلاستيك وانام بيه للصبح وطبعا الكيس كان بيضغط على شعرى ويخلى الماسك ينزل على جبهتى وطبعا مع الكتمه وحرارة الكيس اصبحت ججبهتى تشرب هى كمان الماسك وتكون كيس دهنى زى ما حصل لراسى
المهم بقى يا بنات كل اللى عايزة اقوله بلاش تكترو ماسكات وبلاش تلبسو كيس اكتر من نص ساعه واياكم تنامو باى خلطه ومتزيدوش عن 3 ساعات فى الماسك الواحد وكمان لازم لازم تنضفو فروة راسكم كويس جدا بعد كل ماسم علشان تنضفو المسام كويس ومتسدوهاش بتراكم الدهون عليها
والحمدللله على كل اللى يجيبه ويشفينا ويحمينا قولو آمين كلكم
انا بس يا بنات ليا طلب عندكم كان فى بنت منزله موضوع عن كيفية تنضيف فروة الراس بملح او شى من كده مش فاكرة اوى لانى مقريتش الموضوع كويس فياريت كل اللى تفتكر انا قصدى على ايه ياريت تقولى كان ايه الطريقه الله يخليكم لانى عايزة انضف فروتى كويس اوى وابدا من جديد بس بطريقه صح متعملش اى مضاعفات تانيه وسلام عليكم كلكم
منقول للفائده